شكرتك
احمد صبري
-
سيبت الناس وإخترتك
إفتكرتك غير الناس
القلب حبك قدرتك
فكرتك عندك إخلاص
والعين قالت خلاص
مش عايزة اشوف بعديه
والقلب عاش إحساس
مش عايز يعيش غير بيه
اْتاري دا كله ايه
حلم وعليه
شكرتك
بعد مانسيت الدموع
والوجع وبقيت مرتاح
رجعت نورت الشموع
علشان اْشوف الجرح
شكرتك لما ذلتني
شكرتك لما بكتني
شكرتك انك خلتني
اْفتكر كل اللي راح
-
شكرتك ياحبيبي كتير
على كل لحظة معاك
واْتمنى ليك الخير
ووعد مش هنساك
ساعات بتبقى الحكاية
واضحة زي الشمس
وإحنا بنوهم روحنا
علشان خايفين نحس
وكتير نغمض عنينا
على اْي شيء يوجع
نخبي جروحنا جوانا
وف نفسنا نخدع
كل جرح كان في قلبي
لقيته صاحي
ليل بيبكي بدمع عيني
كاره صباحي
دبحتني
لو فيها موت ريحتني
كداب لو قولت ان انت كنت
بتحبني
-
شكرتك خلتني اْشوفك
واْفرح عيني بيك
إحساسي بين حروفك
اْهات خوفي عليك
حجات لو كنت بتقدر
ماعمرك كنت هتفكر
تسيب البعد يقتلني
يدمر فيا ويكسر
حجات حلوة علشانك
كفايا اْحس بحنانك
مكانتش عمري اْتصور
نهايتي تبقى نسيانك
ونغير في الكلام
ونبدل ف الحقيقة
نوهم روحنا بغرام
وفي بحوره الغريقة
نلاقي اْسرار هوانا
رايحة وجاية معانا
ونهرب من عذابنا
بيجي جري ورانا