قصيدة { البعد جارح }
الشاعر عاطف عمر
* لو كان عقاب !
ايه الاسباب .
* من كم سنه ما فى حد دق عليه
باب .
* من كام سنه.. وانا فى التراب .
* لحد ما راح............. الشباب .
* لما انت حاضر ......ليه الغياب .
* مستني منك اجمل.... جواب .
* بدون عتاب......وبدون عذاب
* طول عمرى عاملك... حساب .
* معقول تكون حلم... وسراب .
* مين اللى قال على الحب عيب .
* الحب بيغذي القلوب .بيزيد كمان قوى العصب .
* طيب ما انت ساكن قلب داب .
* انا كنت ميت من زمان. من غير ألام من غير صعاب .
* كنت الأمان ليه ساعات . أخرجتني من الخراب .
* أنا كنت عارف اليوم دا جاي .وراح انكسر .هو اللى مثلى يعرف عنب .
* ما تقولش ليه . ولا أيه سبب .
* مولود كدا. وهاعيش كدا . ماضي كنتراتو مع التعب .
* طول عمرى عايش على الاصول
لا اعرف نفاق ولا كذب .
* الحظ طول عمره مخاصمني . والنار ما تأكل غير حطب .
* معقوله أترك القيم واعيش حمار يحمل ذهب .
* معقوله ابص لفوق اووووى وأعيش معاك تحت الطلب .
* فلاح اصيل ورصيدى كان . حبة عادات. حبة قيم . مقهور من الظلم
أتغلب .
* بتقولو ع الطيب عبيط . واخدين على القلب الخشب .
بقلمى الشاعر عاطف عمر