عيد الحب اليوم يا ندا
في الصباح رمز الصفا
وانتي عيد كل ايامي
دامك ربي بالوفا
طب هو عيد الحب بس يوم
دا انتي نور عاكس ع القمر قبل النجوم
انتي بابتسامه قادره تنسيني الغيوم
بس بالتنهيدات بحلم وانا صاحي واقوم
طب عمرك شفتي نايم وعنيه مفتحه
ولا ورده من عشقها سكرانه مطوحه
اهو انا بقي ياعشقي احاسيسي متلخبطه
بحلم بكل ابتسامه
ايدك لما تلمس ايدي بالامانه
رجفة الصوت ف لحظة الاستكانه
كل الوصايا قبل الغياب وانتي ولهانه
فاكره لما قولتي هتكلميني
نسيت اقولك اصلا انك ما بتفارقيني
فاكره الدلع والعند لما تشوفيني
وحشني كل حاجه فيك
نبض قلبك
نبرة الحزن ف عتابك
السعاده اللي انتي فيها وانا قدامك
كل تفاصيل حياتك
عارفه ليه
لاني بحبك
بحب كل حاجه فيك
لانك حلالي وربي وصاني عليك
طب هو عيد الحب بالزمه يوافيك
دا لو اليوم الف ساعه ما يكفيك
بحبك يا عشقي ونبض قلبي
بحبك ياصبري وكنتي قدري
بحبك بعدد ساعات الايام
والدقايق والثواني ياحبي
بحب ضحكتك والهزار
وبحب فيك كل اشعار نزار
وبحب الحب عشان حبيتك باحترار
وبحب كل الحب وانتي حبك لا خيار
لكن هقولك كل سنه وكل وقت وانتي قلبي
وكل حياتك ياعمري بحب ف حضني
كل سنه وانتي طيبه يا زوجتي
بقلمي
اسماعيل محمد