ايام الطفوله
ياسلام علي أيام الطفوله دي كانت ايام اعوز بالله
والنعمه الشريفه علي عنيه كانت ايام متشردة ياااااااه
احكي ايه ولا ايه بس ......؟؟
ممكن بقي احكيلكم كدة الحكايه من البدايه لحد اخرها في النهايه
وينفع تتكتب عني روايه ياسلااااااام 😅
دة انا ياجماعه ياما اخت من أبويا علي قفايا
وكنت بقوله بكرة تعرف ابنك أيمن الأيام اللي جايه الله يرحمك يابابا
من حوالي تلات اربع سنين كده كنت معزوم ف فرح انا والحج وجايين ع الساعه 4 الفجر والدنيا هوس هوس نزلنا من الميكروباص بعيد عن البيت وقلنا خلاص هنتمشاها وامرنا لله واذ فجأه نلاقي قبيلة كلاب ذركشي من بتاعت فرقة ال 3 سبعات متجمعين بمسافة 200 متر قدامنا وشكلهم كده بيوضعوا خطه للضحيه اللي عليها العين وصاينها وحارسها ربنا دا اللي هو احنا يعني :D
ابويا ماشي جمبي زي وانا ركبي بتخبط ف بعضهعا وامشي خطوه ارجع تلاته ياحج تعالي نلف من شارع تاني وحياة امك .. نلف من شارع تاني ليه اوعي تكون خايف من الكلاب ياض دانت خلاص كان فاضلك شويه وتبقي من فصيلتهم :D
لا ياحج مش خايف بس تعالي نلف من شارع تاني اهو ع الاقل نجيب حاجه تتاكل بصلي كده من فوق لتحت زي اللي قفش حرامي غسيل وقالي والله ما هندخل غير من الشارع دة لو خايف لف انت
انا بصراحه بقيت مستحقر نفسي واحد عنده ف الوقت دا 21 سنه وخايف من شوية كلاب وابويا جمبي ماشي زي الاسد الكاسر الوحش المدمر لا يهاب شئ والله اكبر والعزة لله ولله الحمد وخلاص قربنا ع الكلاب :D
الكوتش بتاعي الرباط كان مفكوك قلت اربطه بحيث لو الكلاب قفشت ابويا الحق اجري ولسه بقوم وببص قدامي لقيت الحج جاي يجري عليا ويقولي اجري يابن الكلب الكلاب هتاكلنا انا سمعت الكلاب هتاكلنا من هنا ومادرتش بنفسي الا وانا قالع الكوتش وقلت يا فكيك :D
ابويا يااللي طول النهار رجلي وجعاني وضهري واجعني وعضمي مكسر سبحان الله الاقيه قدامي بيجري زي الرهوان :D
عايزك تتخيل معايا واحد ف منتصف االخمسينات بيجري ووراه واحد ف العشرينات عشان خايفين من الكلاب دي كانت ولا حلقه من حلقات ابراهيم نصر ياجدع :D
والحمد لله ف اليوم دا ابويا وصل البيت قبل مني بربع ساعه معرفش وصل ازاي بس بحمد ربنا والا الكلاب كانت هتاكلنا .. وبحب اوجه الشكر هنا للشعب المصري الطيب الاصيل المسامح انه كان نايم وماشفش المهزله اللي كانت حاصله :D
😂😂😂😂😂😂😂😂😂😂😂😅😅😅😅
بقلمي / 💘..................أيمن المصري ..................💘
$#Âyman#$